លោកជំទាវ ដួង ច័ន្ទ ហៅយាយតយត្រូវបានគេស្គាល់ថាជាអ្នកលក់អនឡាញនិយមលេងពាក្យសម្តី ការសម្តែងបែបកំប្លុកកំប្លែងផងដែរ និងជាម្ចាស់ក្រុមហ៊ុន DC Doung Chan diamond Co.,Ltd.។ តាមសិល្បករម្នាក់ អះអាងថា អ្នកលក់អនឡានរូបនេះ ទទួលបានការចាប់អារម្មណ៍ខ្លាំងតាមរយៈរូបសម្រស់ និងការលេងខ្លួនតាមបែបស៊ីវិល័យ និងមានភាពលេចធ្លោរខ្លាំង ពេលលេចមុខក្នុងកម្មវិធីរបស់អ្នកអនឡាញ ដូចគ្នា និងកម្មវិធីរបស់អ្នកសិល្បៈជាច្រើនទៀតនោះ។
ដោយឡែកនៅលើអនឡាញវិញ ភាពទាក់ទាញរបស់ស្ត្រីវ័យក្មេងរូបនេះ គឺពាក្យពេញលេបខាយ កំប្លែងស្ងួតតែម្ដង រហូតគេហៅថា “យាយតយ”។ ចំណុចនេះ អ្នកលេងបណ្តាញសង្គម និងអ្នកជិតដិតតែងតែកោតសរសើរ និងចរិតរួសរាយ ពិសេសទឹកចិត្ស្រលាញ់រាប់អានដោយមិនប្រកាន់ខ្លួន ហើយបើទោះបីជាពេលខ្លះត្រូវខកខានក្នុងការ Live លក់ផលិតផលរបស់ខ្លួនក៏ដោយ ក៏អ្នកអនឡាញរូបនេះ តែងតែលេចមុខរាល់កម្មវិធីតូចធំរបស់អ្នករាប់អានកម្រខានណាស់។
នេះហើយ គឺជាហេតុដែលទាំងក្នុង និងក្រៅចង្កោមសិល្បៈតែងតែគោរពស្រលាញ់ចូលចិត្តលោកជំទាវគ្រប់ៗគ្នា ដែលពិសេសនោះគឺការជួយលើកទឹកចិត្តដល់មនុស្សជាច្រើននៅជុំវិញខ្លួនផងដែរ។ មើលរូបភាពប៉ុន្មានសន្លឹកនេះក៏អាចនឹងច្បាស់ដែរថាតើការតុបតែងខ្លួនរបស់ជំទាវវ័យក្មេង មានភាពស្រស់ស្អាតទាក់ទាញគួរឲ្យសរសើរប៉ុណ្ណា៕
